Almatyda troleıbýs jaıaý júrginshini qaǵyp, saldaryna jaıaý júrginshi oqıǵa ornynda qaza boldy. Bul týraly "Almatyelektrotrans" AQ-nyń baspasóz qyzmeti málimdedi. 

Olardyń málimetinshe, №12-shi baǵyttaǵy troleıbýs júrgizýshisi Q.Sátbaev kóshesiniń boıymen jolaýshysyz avtoparkke qaraı bet alǵan. Júrgizýshi Rozybakıev kóshesine jetpeıtin tusta turǵan Lexus GS 300 jáne Honda Accord markaly eki kólikti soqqan.

"5 qańtarda, shamamen saǵat 23:20-de troleıbýs júrgizýshisi Sátbaev kóshesimen shyǵysqa qaraı avtoparkke kele jatqan. Rozybakıev kóshesine jetkende onyń qan qysymy kóterilip, ol esinen tanyp, kóshede turǵan Lexus GS300 jáne Honda Accord kólikterine soǵylyp, trotýarǵa shyǵyp ketken jáne jaıaý adamdy qaǵyp ketken. Oqıǵa ornyna polısıa qyzmetkerleri, tasymaldaýshy kompanıa ókilderi, jedel járdem keldi. Kelgen dárigerler jaıaý júrginshige medısınalyq kómek kórsetti, biraq er adam aýyr jaraqattan sol jerde kóz jumdy. Marqumnyń otbasyna ótemaqy tólenedi" - dep habarlady "AlmatyElektrotrans" AQ.