Almaty oblysynyń Qaskeleń qalasynda kópqabatty turǵyn úıdegi jarylys saldarynan 11 jasar bala qaza tapty. Bul týraly Tótenshe jaǵdaılar kommıteti málimdedi.
Tótenshe jaǵdaılar komıtetiniń málimetinshe, Tóle bı kóshesi boıyndaǵy kópqabatty turǵyn úıdiń eń ústińgi qabatyndaǵy páterde gaz-aýa qospasy jarylyp, qabyrǵalas turǵan birneshe páterge nuqsan kelgen.
"7 adam, sonyń ishinde 3 bala túrli jaraqat aldy. Barlyq zardap shekkender aýrýhanaǵa jetkizildi. 2009 jyly dúnıege kelgen bala oqıǵa ornynda kóz jumdy. Atalǵan úıdiń turǵyndaryn órtke qarsy qyzmet qaýipsiz jerge kóshirip, Qaskeleń ákimdigi ýaqytsha turý ornyn uıymdastyrdy. Jarylys sebebi anyqtalyp jatyr" - delingen vedomstvo taratqan habarlamada.
Pikir qaldyrý