Zamanbek aǵa qaıtys bolǵan kezde "Qaıdan shyǵaramyz?" – degen úlken daý boldy. Osyndaǵy biraz aǵalar meni ótirikshi deı qoımas, Qaldybek Qurmanáli ekeýmiz barlyq kelip-ketýshini qarsy alyp, shyǵaryp salyp, osynyń ortasynda júrdik. Osy másele kóterilgen kezde bolǵan qyzyqtarǵa, tartystarǵa toqtamaı-aq qoıaıyn. Tasmaǵanbetovke ketken delegasıa qaıtyp kelip, kıiz úıge Qaldybek ekeýmizdi shaqyryp alyp, ishindegi syıly aǵanyń biri bylaı dedi: "Biz ákimge osyndaǵy jaǵdaıdy aıttyq. Shyndyǵyna kelgende Asqar, Qaldybek ekeýińdi sattyq! "Sol ekeýi úıde shyǵarýǵa qarsy daý jasap, dúrliktirip jatyr" – dedik. Endi ákimniń tapsyrmasy mynaý: Opozısıa jerleý prosesin mıtıńige aınaldyrmasyn. Eshqandaı úgit, nasıhat aıtylmasyn, plakat, lozýng shyqpasyn!" – dedi. Osyny ekeýiń sheshińder dedi. Opozısıa onsyz da sol tóńirekte júrgendikten Qaldybek ekeýmizge olardy keshke, bir kıiz úıge jınaý qıyn bolǵan joq. Altynbek Sársenbaev, Jarmahan Tuıaqbaı, Býtá... bári derlik jınaldy. Biz aǵalardan kelgen eskertýdi aıttyq. "Osyndaı bir bále bolsa Qaldybek ekeýmiz "halyq jaýymyz" – dedik ))) Sonda Altynbek Sársenbaev "Bul bılikke ne bolǵan? Tiri emes, ólgen Zamanbekten sonsha qoryqqany nesi? Qaıdaǵy mıtıń, baner, plakat? Biz aǵamyzdyń qaraly kúnine kelemiz. Jaýap osy! Ólimen alysqansha tiriniń tilegin estip, tirligin túzep úırensin de olar" – dep edi...

Jańa Dına Elgezek qyzymyz búgin ólgen Qonaevty jaqtaımyn dep biraz "jaý" taýyp, "Banǵa kettim" – dep, kúlip otyr eken. Dına, Altynbek aǵańnyń aıtqan sóziniń keri ǵoı ol.

Facebook paraqshasynan