Qazaqstannyń burynǵy prezıdenti Nursultan Nazarbaevtyń jıen nemeresi, Qazaqstan parlamenti senatynyń qazirgi spıkeri Darıǵa Nazarbaevanyń uly Aısultan Nazarbaev álemniń kez kelgen telearnasyna shyndyq aıtyp berýge daıyn ekenin jetkizdi. Bul týraly Facebook-taǵy paraqshasynda jazydy.

Onyń sózinshe, álemdegi barlyq telearnalardyń kóresetip jatqany - qur ıllúzıa. 

"Adamdar, men ózime qandaı qaýip-qater tónse de, árqashan shyndyqty aıttym! Men álemniń kez kelgen telearnasyna álemde ne bolyp jatqanyn aıtyp berýge jáne kórsetýge daıynmyn, biraq ol álemdegi barlyq memlekettik telearnalar kórsetip jatqan ıllúzıa emes. Men bizdiń otbasylyq ómirde ne bolyp jatqanyn aıtyp jatqan joqpyn. Sıqyr nemese magıa bul álemdi jaýlap aldy! Siz osy taqyrypta áńgime aıta bastaǵanda, sizdi aqymaq sıaqty kóredi, biraq maǵan báribir. Men nashaqormyn ǵoı)

Maǵan buryn  barlyq  sıqyrshylardy órtegeni olar úshin jaza bolyp sanalǵany túsiniksiz. Biraq qazir biz bul týraly aıtýǵa qorqamyz, óıtkeni bizdi psıhıkalyq aýrýhanada jabady. Qudaı maǵan adamzat budan bas tartpsa, bul álemniń joıylatynyn aıtýdy tapsyrdy" dep jazdy Aısultan Rahat. 

Aısultan Rahat - Qazaqstannyń burynǵy prezıdenti Nursultan Nazarbaevtyń úlken qyzy, qazir Qazaqstan parlamenti senatynyń tóraıymy bolyp otyrǵan Darıǵa Nazarbaeva men 2015 jyly Avstrıa túrmesinde jumbaq jaǵdaıda (abaqtynyń bir kisilik kamerasynda asylǵan kúıi tabylǵan) ólgen Rahat Álıevtiń ekinshi uly.

2019 jyly qazannyń 18-i kúni London soty Aısultan Rahatqa bir jyl shartty jaza kesti. Ulybrıntanıadaǵy BAQ-tardyń habarlaýynsha, Aısultan Nazarbaev bıylǵy maýsym aıynda brıtan polısıasyna qarsylyq kórsetkeni úshin jaýapqa tartylǵan. Nazarbaevtar otbasy Aısultannyń Ulybrıtanıada ustalǵany jáne sottalǵany jaıly eshqandaı komentarı bergen joq.