Keshe, 24 qańtarda Túrkıa shyǵysyndaǵy Elázyg provınsıasynda qatty jer silkinip, keminde 18 adam qaza boldy. Jergilikti BAQ-tyń habarlaýynsha, keminde júzdegen adam jaraqattanyp, turǵyn úıler men ǵımarattar qıraǵan. 

Túrkıanyń tótenshe jaǵdaı jónindegi agenttigi 6,8 magnıtýdaly jer silkinisiniń epısentr oshaǵy Sıvrıdj qalasyndaǵy aýdanda ornalasqanyn habarlady. Jer qatty silkingennen keıin aftershok bolǵan. Elázyg provınsıasynda 13 adam kóz jumǵan, kórshi Malatá provınsıasynda bes adam ólgen. Eki provınsıanyń ákimshiligi 225 adamnyń jaraqat alǵanyn habarlady.

Al Túrkıanyń ishki ister mınıstri Súleıman Soılý aýdanǵa qutqarýshylar tobyn jibergenin aıtty. Qıraǵan úıindiler astynan adamdardy izdeý jumysy jalǵasyp jatyr. Soılýdyń sózinshe, 533 adam jaraqattanǵan.