Túrkıanyń Elázyg provınsıasyndaǵy joıqyn jer silkinisinen qazaqstandyqtar zardap shekken joq. Bul týraly Qazaqstannyń syrtqy ister mınıstrliginiń resmı ókili Aıbek Smadıarov málimdedi.

"Túrkıa tarapynyń aldyn ala málimeti boıynsha, jer silkinisinen zardap shekkender arasynda qazaqstandyqtar joq" dep jazdy Smadıarov Telegram kanalynda. 

24 qańtarda Túrkıanyń shyǵysyndaǵy Elázyg provınsıasynda qatty jer silkinip, keminde 18 adam qaza bolyp, júzdegen adam jaraqattanǵany habarlandy. Jer silkinisiniń saldaryna turǵyn úıler men ǵımarattar qıraǵan. Sońǵy málimet boıynsha, kóz jumǵandar sany 22-ge jetken. Túrkıa ishki ister mınıstri Sýleıman Soılý Malatá túrik provınsıasynda 4 adam, Elázyg provınsıasynda 18 adam kóz jumǵanyn aıtty. Soılýdyń málimetinshe, 39 adam úıindi astynan shyǵaryldy.

Túrkıanyń tótenshe jaǵdaı agenttiginiń habarlaýynsha, 6,8 magnıtýdaly jer silkinisiniń epısentr oshaǵy Sıvrıdj qalasyna jaqyn mańda ornalasqan. Odan bólek, kórshi provınsıalarda, Iran, Sırıa, Lıvanda jer terbelisi sezilgen.