«2013 jyl 1 shilde kúni otandyq telearnalar keńistiginde tuńǵysh ret «KAZsport» sport telearnasy óziniń alǵashqy habaryn taratady» dep habarlady «Qazaqstan» RTRK AQ baspasóz  qyzmeti. Qazaqstan Respýblıkasynyń Prezıdenti Nursultan Nazarbaev 2012 jyly «Qazaqstannyń áleýmettik jańǵyrtylýy: Jalpyǵa ortaq Eńbek qoǵamyna qaraı 20 qadam» joldaýynda Sport jáne dene shynyqtyrý isteri agenttigi men Mádenıet jáne aqparat mınıstrligine birlesip, mamandandyrylǵan sport arnasyn ashý týraly tapsyrma berdi. Sporttyq arna «Qazaqstan» RTRK» AQ quramyna enedi. Elimizdiń barlyq aımaqtarynan tikeleı efırde habar taratýǵa múmkindigi bar korporasıa quramyndaǵy «KAZsport» telearnasyn jerseriktik jáne kabeldik júıede habar taratatyn operatorlar jelisinde kórýge bolady. «KAZsport» sport telearnasynyń shyǵarmashylyq ujymynda óz isiniń bilikti mamandary qyzmet atqarady. Olardyń arasynda Qazaqstannyń eń úzdik sport jýrnalıserine beriletin Seıdahmet Berdiqulov atyndaǵy júldeniń ıegerleri bar. Qazaqstandyq jankúıerler Ulttyq qurama komandalar qatysatyn qurlyqtyq jáne álemdik deńgeıdegi jarystardy, el birinshilikterin tikeleı kóre alady. Atap aıtsaq, velosporttan Týr de Frans pen Výelta kópkúndikteri, sý sporty túrleri, jeńil atletıka, dzúdo, kórkem gımnastıka, karate shıto-rú, grek-rım jáne erkin kúres, aýyr atletıka men shańǵy sportynan Álem chempıonaty, voleıboldan áıelder arasynda Álemdik gran-prı kezeńdik oıyndary beriledi. Sonymen qatar, sport jankúıerleri nemis býndeslıgasyn, Qazan qalasynda ótetetin jazǵy Ýnıversıada oıyndaryn, tenısten Wimbledon týrnırin, voleıbol, aýyr atletıka men velosporttan Azıa birinshilikterinen translásıasyn kóretin bolady.. Arna táýligine 20 saǵat habar taratpaq. Jańa sporttyq arnany ashýǵa qatysty jumys aıaqtalyp, efırge shyǵýǵa daıyn ekendigi jóninde búgin mádenıet jáne aqparat mınıstri Muhtar Qul-Muhammed QR Úkimetiniń otyrysynda habardar etti. «KAZsport» taratylymyn «Otaý TV», Icon TV, Digital TV jáne basqa da kabeldik operatorlar arqyly iske qosý josparlanǵan, sonymen birge arna Internet jelisinde habar taratady. kaztrk.kz