QORDAI ÓLEŃ

Qordaı - Qazaq qasıetimiz tek bizdiń.
Qordaı -mazaq qasiretimiz tek bizdiń.
Qordaı-Qordaı, alqymyńa tepkizdim.
Qorlaı-qorlaı osy kúıge jetkizdim.
Darhan uldy jer qushtyrǵan kók temir.
Kók temirdi kókiregińnen ótkizdim.

Qyrshyn Darhan,
Bul dúnıede ne kórdiń.
Aldyńda edi keler kún de, kórer kún.
Qanquılyǵa sen tap boldyń qapyda.
Birinshi bop sen órtendiń, sen óldiń.

Otanyńdy - topyraǵyńdy súıip kep.
Oqqa sekir!
Otqa sekir!
Kúıip ket!
Jannan qymbat,
“Zańnan” qymbat azattyq.
Shyndyǵy joq shytyrmandy qıyp ket!

Prokýror,
Polıseı,
Sot,
Alqynǵan!
Jaǵa jeńiń kómkerilgen altynnan.
Ádiletten qymbat emes shekpeniń.
Oryn taǵyń qymbat emes Halqyńnan.

Shyndyq penen ádildikten qalys qap,
Shimirikpeı ant ishesiń nan ustap.
Qaı baǵytqa bet túzediń qaryshtap?
Qazaǵyńnan qadam saıyn alystap.

Sózben kimdi sendiresiń, Bılik sen!
Shamdanasyń shynymdy aıtyp kıliksem.
Jaý sanaısyń tik ustasam eńsemdi,
Qul kóresiń ıkemińe ıliksem.

Ashý Qordaı!
Namys Qordaı!
Ot Qordaı!
Basynǵannyń basyn jular shoqpardaı.
Qan kóshede taıaq jegen POLISEI
Jat qabaqqa jaýtańdaǵan SOT Qordaı.

Ar ashýy, jan ashýy qyzdyryp,
Qaharlanyp, qany tasyp, úzdigip.
Qordaı-Qordaı atylǵan oq, shashqan ot.
qara túske ǵaıyp bolǵan izgilik.
Qordaı-Qordaı ALMAS QYLYSH namysyn
Sottalýdan bıik qoıǵan JÚZ JİGİT!

Almas Ahmetbekkuly