Aıtysker aqyn Rınat Zaıytov tergeý ızolátorynda qaıtys bolǵan elordalyq belsendi Dýlat Aǵadilge arnap óleń shyǵardy. Ol Dýlat Aǵadildi saıası oıynnyń qurbany dep esepteıdi.
"Elime kishkentaı bolsa da paıdam tıse eken dep júrgen, esh jazyqsyz, alty balanyń ákesi Dýlat Aqádil de jaýyzdardyń saıası oıynynyń qurbany boldy. Ókinishti....
Halyqty ońaı aldaı alatyndar,
Arýaqqa qara daq jaǵatyndar,
Soqyr, mylqaý , sańyraý, júreksizder,
Túk bilmeı, túk estimeı qalatyndar
Jek kóremin senderdi!
Jazyqsyzǵa júz jala jabatyndar,
Óz ultyna uıalmaı shabatyndar,
Tóresiniń kóńilin tabý úshin
Óz týysyn óltire alatyndar,
Jek kóremin senderdi!
Al qamańdar, sabańdar, al atyńdar
Jurtty jazyqty qyla salatyndar
Qaı dúnıede ekenin Qudaı biler
Bárińniń jaýap berer saǵatyń bar!
Jek kóremin senderdi!!!"-dep jazdy Rınat Zaıytov.
Pikir qaldyrý