Iran bıligi koronavırýsqa baılanysty 54 myń tutqyndy ýaqytsha bosatatynyn habarlady, dep jazady Qamshy.kz aqparat agenttigi Flipboard saıtynyń deregin negizge alyp. 

Bılik jabyq rejımdegi mekemede vırýs juqtyrý qaýpi joǵary ekenin aıtty.  Sot ókiliniń habarlaýynsha, koronavırýs juqtyrmaǵan qylmyskerler ǵana túrmeden ýaqytsha bosatylady. Sondaı-aq túrmeden shyqqandarǵa kepil tóleý mindettelgen. 

"Jazasyn óteýshiler qandaı qylmys jasasa da, olardyń densaýlyǵy biz úshin mańyzdy", - dep málimdedi Iran sot júıesiniń baspasóz hatshysy  Golamhosseına Esmaılı.

Degenmen, Iran azamattarynyń qaýipsizdigin saqtaý úshin 5 jyldan astam ýaqytqa bas bostandyǵynan aıyrylǵandar túrmede qalady. 

Sońǵy derek boıynsha, Iranda 92 adam koronavırýstan qaza tapqan, 2922 adam vırýs juqtyrǵan.