Pandemıanyń taralýymen qosa, álemdik munaı baǵasynyń quldyraýy kezinde AQSH prezıdenti Donald Tramp seısenbide Reseı men Saýd Arabıasy basshylarynyń kelissózderine qosylýǵa daıyn ekenin aıtty.

Prezıdent Tramp seısenbide Aqúıde ótken brıfıńte munaı baǵasynyń kúrt tómendeýi AQSH energetıka salasyna qaýip tóndiretinin málim etti. Tramp ony Reseı men Saýd Arabıasy kelisip istep otyr dep esepteıdi.

Ol Reseı prezıdenti Vladımır Pýtınmen jáne Saýd murager hanzadasy Muhammed ben Salmanmen jeke-jeke «keremet» kelissózder júrgizgenin aıtty.

– Eki el bul máseleni talqylap jatyr, qajet bolsa, men tıisti ýaqytta qosylamyn, – dedi Tramp.

Fox News dereginshe, aıdyń basynda Reseımen munaı óndirisi mólsherine baılanysty qaıshylyqty kelissózderden keıin saýdıalyqtar munaı baǵasyn kúrt tómendetken.

AQSH prezıdenti osy retki munaı baǵasynyń quldyraýyn 1950 jyldardaǵy jaǵdaımen salystyrdy.