Factcheck.kz saıty Arman Shoraev pen Álnur İlıashevtiń tutqyndalýyna baılanysty resmı málimdeme jasady. Málimdemeniń tolyq mátini tómende usynylǵan.
2020 jyldyń 17 jáne 18 sáýirinde Almaty men Qaraǵandy qalalarynda azamattyq belsendi Álnur İlıashev pen belgili medıamenedjer jáne qoǵam qaıratkeri Arman Shoraev ustalǵan bolatyn. Eki jaǵdaıda da QR QK-niń 274-baby, ıaǵnı Kórineý jalǵan aqparat taratty dep aıyptaldy. Qazirgi ýaqytta İlıashevty eki aı qamaý týraly sheshim de qabyldandy.
Biz, jalǵan aqparatpen kúresetin uıym retinde Arman Shoraev pen Álnur İlıashevqa qatysty qabyldanǵan sanksıalar shamadan tys jáne ustaý men qamaýǵa alýdyń sebepteri aıqyn ári ashyq emes dep sanaımyz.
Infodemıa kezeninde, Qazaqstan azamattary rasynda jalǵan aqparat taratýshylar men alaıaqtardyń shabýylyna ushyrap jatqan tusta jýrnalıs pen azamattyq belsendini ustaý jáne tutqyndaý azamattyq qoǵamǵa jasalyp jatqan qysym jáne pikir erkindigi quqyǵynyń buzylýy retinde ǵana túsindirilýi múmkin.
Biz QR İİM. QR Bas prokýratýrasynan jáne QR Ádilet mınıstrliginen Qazaqstan azamattarynyń konstıtýsıalyq quqyqtary men erkindigin buzýǵa jol bermeý úshin sharalar qabyldaýǵa shaqyramyz. Arman Shoraev pen Álnur İlıashev isteri polısıa jáne ózge de baqylaýshy organ qyzmetteriniń qyzmet babyn asyra paıdalaný turǵysynan muqıat tergelýge tıis.
Tergeý barysynda zańbuzýshylyqtyń aýyrlyǵyna saı barynsha jeńildetilgen bultartpaý sharasy qoldanylýy kerek. Sonymen qatar, biz atalmysh is boıynsha tergeý toqtamaǵan jaǵdaıda tolyǵymen ashyq sotty talap etemiz. Bizge qosylam degen BAQ redaksıalary málimdemeni óz saıttary men áleýmettik jelilerdegi paraqshalaryna jarıalap, bizben nıettes ekenderin bildirýge shaqyramyz.
Bul málimdeme tıisti vedomstvolarǵa resmı hat arqyly joldanatyn bolady.
