Donald Tramp "AQSH úkimeti jańa grın-kartalar berýdi toqtatty" dep málimdedi. Bul týraly Qamshy tilshisi The Independent basylymyna silteme jasap habarlaıdy.

Tramp taǵy bir qatań ımıgrasıalyq qadam jasap, koronavırýstyń órshýi kezinde amerıkalyq jumysshylarǵa qamqorlyq jasaý kerektigin aıtty.

Prezıdent Donald Tramp "AQSH-qa ımıgrasıany ýaqytsha toqtata turý týraly" buıryq shyǵardy. Atalmysh buıryq ýaqytsha jumysshylarǵa emes, turaqty turýǵa keletinderge tyıym salady.

Seısenbide Tramp AQSH-tyń koronavırýs kezinde jumys oryndaryna básekelestikti shekteý maqsatynda jasyl kartalar shyǵarýǵa 60 kúndik úzilis jasaıtynyn aıtty. Ol buıryqqa "belgili bir jeńildikter" kiretinin málimdep, biraq ol buıryq ázirlenip jatqanyn eskerip, olardy aıtýdan bas tartty.

Aıta keteıik, keshe tańerteń Tramp tvıtter paraqshasynda AQSH-qa ımıgrasıany toqtatatyn buıryqqa qol qoıǵysy keletinin málimdegen.