22 sáýirde Almaty qalalyq soty belsendi Álnur Iláshevtiń qamaýdan bosatý týraly ótinishin qanaǵattandyrmady. Bul týraly onyń advokaty óziniń facebook paraqshasynda habarlady. 

"Maǵan kelgen kóptegen suraqtarǵa jáne qońyraýlarǵa jaýap bere almaýyma baılanysty Iláshev Álnurdyń jaǵdaıyn qysqasha túsindirýge týra keldi. Búgingi baspasóz máslıhatynan keıin apelásıalyq komısıa meniń shaǵymymdy qarady. Qalalyq sottyń sýdıasy bizdiń shaǵymymyzdy qanaǵattandyrmady. Sýdıanyń pikirinshe, Iláshev bostandyqta júrgende jalǵan aqparat taratýdy jalǵastyra berýi múmkin. Men osyny ǵana estidim" dep jazdy Nurlan Rahmanov.

Advokat Nurlan Rahmanov 22 sáýir kúngi jazbasynda tergeý oryndarynyń isti "aýyr is" dep ataǵanyna qaramastan tergeý aıaqtalǵany týraly hattamany tapsyrýǵa asyǵyp otyrǵanyn jazdy. Advokat Álnurdyń óz qolymen jazǵan ótinishin tergeýshige, ne tergeý basqarmasyna, ne polısıa departamentine ótkize almaı júrgenin de aıtty.