Japonıalyq jáne Ońtústik Koreıalyq aqparat kózderiniń aıtýy boıynsha, Soltústik Koreıa basshysy Kım Chen Yn senbi kúni kóz jumǵan. 

Bul týraly Qamshy tilshisi brıtanıalyq Daily Express gazetine silteme jasap habarlaıdy. 

HKSTV Gonkong spýtnıktik teledıdary dırektorynyń orynbasary Shısán Sınszýdyń aıtýynsha, «óte senimdi derekkóz» Kım Chen Ynnyń ólgenin habarlaǵan.

Al, birneshe saǵat buryn "Shýkan Gendaı" degen japondyq aptalyq gazettiń aıtýynsha, Soltústik Koreıanyń dıktatory júrekke jasalǵan operasıadan keıin ólim aýzynda jatyr.

Aıta keteıik, keshe Qytaı medısınalyq tobynyń Soltústik Koreıa astanasy Phenánǵa jiberilgenin habarlaǵan bolatynbyz. Sheteldik aqparat kózderiniń aıtýynsha, Phenánǵa jiberilgen qytaılyq mamandar júrek otasynan shyqqan Kım Chen Ynge jetkende onyń ómirin qutqaryp qalýǵa óte kesh bolǵan. Buǵan deıin Kım Chen Ynnyń ómirine úlken qaýip tónip turǵanyn, onyń ornyna qaryndasynyń kelýi múmkin ekenin jáne Soltústik Koreıa basshysynyń ólimi ıadrolyq soǵys qaýpin týdyratynyn habarlaǵanbyz.