AQSH prezıdenti Donald Tramp "koronavırýstyń Ýhan zerthanasynda paıda bolǵanynyń dálelin kórdim" dep málimdedi, biraq naqtylaýdan bas tartty. Bul týraly Qamshy tilshisi Sky News telearnasyna silteme jasap habarlaıdy.

Aq Úıdegi baspasóz máslıhatynda sóılegen AQSH prezıdenti "Qytaı vırýstyń taralýyn toqtata almaǵan nemese onyń taralýyna jol bergen" dep málimdedi.

Donald Tramp koronavırýstyń Ýhan vırýsologıa ınstıtýtynan shyqqanyna senimdi ekenin aıtty jáne AQSH bıligi "ony óte qatty zerttep jatyr" dedi. 

– Biz onyń qaıda ekenin, onyń qaıdan shyqqanyn kóremiz. Teorıalar kóp, – dedi ol.

– Qytaı, tipti, bizge aıtýy múmkin, – dep qosty ol.

Jýrnalıser vırýstyń Ýhan zerthanasynan shyqqany týraly "joǵary senimdilik beretin nárseni" óz kózimen kórgen, kórmegenin suraǵanda, Tramp: "Ia, kórdim" dep jaýap berdi.

Oǵan mundaı senimdilikke kelýge ne sebep bolǵany jaıynda suraq qoıylǵanda: "Men muny aıta almaımyn. Sizge bul týraly aıtýǵa ruqsatym joq" dedi Tramp.