Úshinshi dúnıejúzilik soǵysty AQSH pen Qytaı bastaýy múmkin. Ulybrıtanıanyń eks-depýtaty Beıjińniń áskerı shabýyldaý josparyn áshkereledi. Bul týraly Qamshy tilshisi The New York Post gazetine silteme jasap habarlaıdy.

Birikken Koróldiktiń burynǵy depýtaty Djordj Galloýeı "Ońtústik Qytaı teńizinde shıelenis kúsheıip, Qytaı men AQSH arasynda soǵys bastalýy múmkin" dep boljam jasady.

Onyń aıtýynsha, Beıjiń buryn-sońdy bolmaǵan jáne "sheshýshi áskerı qadam" jasaýy múmkin. Sonyń saldarynan, Qytaı men AQSH arasynda soǵys bastalýy múmkindigin eskertti. Brıtanıalyq burynǵy depýtattyń oıynsha, birneshe onjyldyqtar boıy daýly aımaq bolyp kelgen Ońtústik Qytaı teńizinde kenetten áskerı qaqtyǵys "jarylýy múmkin".

Aıta keteıik, osy aptanyń basynda AQSH áskerı-teńiz kúshteriniń zymyran joıǵysh kemeleri Ońtústik Qytaı teńizindegi Parakel araldary mańyndaǵy teńizben júzip ótken. Beıjiń ol áreketterge narazylyq bildirgen.

AQSH áskerı-teńiz kúshteriniń habarlaýynsha, Vashıngton "halyqaralyq zańdarda tanylǵan teńizderdi qoldanýdyń bostandyqtary men quqyqtaryn" qorǵaýǵa tyrysqan.

Alaıda Qytaı áskerı kúshteri Vashıngtonǵa qaıtarma jaýap jasady: Qytaı Halyq azattyq armıasy áskerı kemeler men ushaqtaryn daýly teńiz aımaǵyna jiberdi.

Beısenbide AQSH áskerı áýe kúshteriniń eki bombalaýshysyn jiberdi.

Qytaıdyń memlekettik gazeti AQSH-ty "aımaqqa agressıvti túrde aralasyp otyr" dep aıyptady.