Senat tóraǵasy Darıǵa Nazarbaevnyń ókilettiligi toqtatyldy. Bul týraly Aqorda saıty habarlady.
"Memleket basshysynyń Jarlyǵymen Qazaqstan Respýblıkasy Parlamenti Senatynyń depýtaty Darıǵa Nursultanqyzy Nazarbaevanyń ókilettigi toqtatyldy" delingen habarlamada.
Qazaqstannyń eks-prezıdenti Nursultan Nazarbaevtyń tuńǵysh qyzy 7 mamyr kúni 57-ge keledi.
Ol ártúrli jyldary "Habar" agenttiginiń tóraǵasy, vıse-premer qyzmetterin atqarǵan. 2016 jyldyń qyrkúıeginde senat depýtaty bolyp, 2019 jylǵy 20 naýryzda senat tóraǵalyǵyna taǵaıyndalǵan.
Nazarbaeva burynǵy qyzmetinde konstıtýsıa boıynsha prezıdentten keıingi tulǵa bolǵan. Áleýmettik jelide "Toqaev otstavkaǵa ketip, onyń ornyna Nazarbaeva otyrady-mys" degen áńgime taraǵan. Alaıda ol aqparatty resmı oryndar áldeneshe ret teristegen.
Darıǵa Nazarbaev 2013 jyly Qazaqstannyń eń baı 50 adamynyń qataryna kirgen. Forbes Qazaqstan jýrnaly jarıalaǵan eldiń eń dáýletti bıznesmenderiniń 2019 jylǵy tizimine Nazarbaeva enbegen.
Pikir qaldyrý