AQSH Mınnesota shtatynda beısenbi kúni beıbit mıtıńilerdiń sońy órt qoıý, tonaý men vandalızmge ulasty. Bul týraly Qamshy tilshisi Reuters-ke silteme jasap habarlaıdy.

Sherýge shyqqandar Djordj Floıd esimdi qara násildi azamattyń ólimine narazylyq bildirgen. Birneshe kún buryn áleýmettik jeliler men buqaralyq aqparat quraldarynda aq násildi polısıa qyzmetkerleri qara násildi azamatty jerge jatqyzyp, jelkesine tizesin basyp otyrǵan fotolar men vıdeolar tarap ketken. Belgili bolǵan aqparattar boıynsha, polısıa baqylaýyndaǵy Djordj Floıd qaza tapqan. 

Gýbernator Tım Ýolz tártip saqtaýǵa kómektesý úshin ulttyq qorǵanys kúshterine buıryq bergenine qaramastan, Mınnesota shtatynyń eń iri qalasy Mınneapolıstegi tártipsizdikter toqtamaǵan.