Dımash Qudaıbergenniń AQSH-taǵy fan-klýbynyń resmı YouTube kanalynda qazaqstandyq ánshiniń "Daıdıdaý" ánin qazaq tilinde oryndap jatqan vıdeo jarıalady. 

Naýryz aıynyń basynda «Dimash USA FC» kóshbasshysy fan-klýb jetekshiligine Dımashtyń týǵan kúnine oraı vıdeorolık túsýrip, quttyqtaý ıdeıasyn usynǵan bolatyn. Kalıfornıadaǵy fan-klýb fılıalynyń lıderi Kımberlı Falkone ıdeıany birden qoldady. Alaıda vıdeony qaı stılde túsirý keregin birden naqtylamady.

Keıin Kımberlı toptyń translıterasıa boıynsha múshesi Chelsı Daımondqa jolyǵyp, jańa vıdeo ázirleý kerektigi týraly ótinish aıtady. Áńgime barysynda erekshe «chellendj» uıymdastyrý týraly oı keledi – ózge fanattarmen birigip, Dımashtyń ánin onyń ana tilinde shyrqaý kerek bolady. Osyǵan uqsas qashyqtyqtan hormen oryndalǵan ánderdi tyńdap, amerıkalyq fan-klýb ákimshisi túsirilimdi basqa jankúıerlermen de ázirleý kerek dep sheshedi.

Fanattar Dımashtyń «Daıdıdaý» ánine toqtaıdy. Bul ánniń Nú-Iorktegi konsertte bolǵan amerıkalyq fanattar úshin mańyzy zor.

Fan-klýb ákimshisi «FaceTime» boıynsha vıdeoqońyraý stılinde vıdeo jazady, ózge fanattar da qoldaıdy degen senimmen ózderiniń ıdeıalary týraly fan-klýbtyń facebook-tegi resmı akkaýntynda habarlaıdy.

Qulaqqap kıip, Dımashtyń «Daıdıdaý» ánin ýnıson oryndap, jeke daýystaryn joldaý keregi týraly úndeý tastaıdy. Vıdeolar jınalǵan soń, fan-klýb ákimshisi olardy tutas bir vıdeoǵa biriktiredi.

Amerıkalyq fanattardyń aıtýynsha, qazaq tilinde án aıtý ońaıǵa soqpasa kerek, biraq qyzyq bolypty. Translıterasıanyń kómegi de zor bolǵan. Birqatar Dears bekvokal jazyp, ándi odan ári árleı tústi.

Dears vıdeosyn MP3 formatqa konvertasıalap, Dımashtyń daýysymen baılanystyrǵanǵa deıin shamamen 100 saǵattan astam ýaqyt ketti. O basta fanattar ándi tolyq oryndap shyqty, keıin edıtorlar árbir qatysýshynyń vıdeosynan ánniń bir jolynan kesip, tutas bir rolık qurastyryp shyqty.

Jalpy alǵanda, horǵa  AQSH-tyń 7 shtaty men tórt memleketten (Nıderlandy, Kanada, Kolýmbıa, Úndistan) 21 Dears qatysty.

Sonymen birge, AQSH-tyń 21 shtatynan jáne tórt elden (Argentına, Brazılıa, Kanada, Nıderlandy) 102 fanattyń quttyqtaý lebizderi vıdeoǵa jazyp alyndy.

Amerıkalyq fan-klýb ákimshisiniń aıtýynsha, barlyq Dears jumysty qýana-qýana istegen. Karantın kezinde olar Dımashqa qýanysh syılap, quttyqtap qana qoımaı, birlesken jobany ázirleý barysynda keremet ýaqyt ótkizip, erekshe sezimge bólendi.