Almaty oblysy Uıǵyr aýdanynda "jasóspirimder arasynda qaqtyǵys bolyp, bes adam jaraqattandy" degen beıresmı aqparat tarady. Resmı organdar men jergilikti bılik bul aqparatqa qatysty eshqandaı málimet bergen joq. 

Áleýmettik jelide taraǵan aqparatqa jáne sol aýdanda turatyn turǵyndardyń sózine qaraǵanda qaqtyǵystyń etnıkalyq sıpaty bar. Iaǵnı, qaqtyǵys qazaq-uıǵyr jastarynyń arasynda bolǵan. Qaqtyǵys kezinde bes adam pyshaqtalyp, qazir aýdandyq aýrýhanada jatyr. Olardyń úsheýiniń ulty qazaq, ekeýiniki uıǵyr.

Qoldaǵy bar málimetke saı,  Almaty oblysynyń ákimi Amandyq Batalov aýdanǵa arnaıy baryp, osy oqıǵaǵa baılanysty shuǵyl jınalys ótkizip jatyr.

Qamshy tilshisi oqıǵanyń jaı-japsaryn bilý maqsatynda Uıǵyr aýdanyna attandy.