"Reseı Ulybrıtanıa armıasyn tek jarty kúnde joıyp jiberýi múmkin" deıdi aǵylshyn sarapshylar. Bul týraly Londonda shyǵatyn Daily Express basylymy habarlady.

Basylymnyń jazýynsha, 2017 jyly Ulybrıtanıanyń áskerı saraptama ortalyǵy jasaǵan baıandamada osyndaı aqparattar jarıalanǵan. "Tarıhı qaqtyǵystardy taldaý jáne zertteý ortalyǵynyń" (CHACR) málimetteri boıynsha, aǵylshyn armıasy birneshe jyl boıy áskerı búdjettiń turaqty túrde qysqartylýynan zardap shegip otyr.

Eki kúndik semınardan keıin jasalǵan bul qujat Birkken Koróldiktiń Reseı shabýylyna ushyraǵanda saldary qalaı bolatynyn saraptaǵan. 

"Bizge bógde memlekettiń tikeleı shabýyl jasaý qaýpi tónip turǵan joq" dep jazylǵan qujatta, degenmen Ulybrıtanıaǵa basqa el shabýyl jasaǵan jaǵdaıda, birneshe yqtımal senarıler kórsetilgen.

Gazettiń jazýynsha, 2014 jyly reseılik artılerıa men zymyran batareıalary birneshe mınýt ishinde ýkraınalyq eki batalóndy joıyp, kúshin dáleldegen.