Búgin jýrnalıs Mırbolat Bıshýınovtyń appelásıalyq soty ótti. Ol Qytaıdyń Almatydaǵy konsýldyǵy aldynda pıketke shyǵyqqany úshin 3 tamyzda "beıbit jınalystardy uıymdastyrý jáne ótkizý tártibi týraly zańnamada belgilengen tártipti buzdy" dep aıyptalyp, 15 kúnge qamaýǵa alynǵan. 

Mırbolat Bıshýınov aksıany Qytaıdyń Qazaqstandaǵy elshisi Chjan Sáonyń "Qazaqstan men Qytaı áskeri aımaqtaǵy túrli-tústi revolúsıaǵa qarsy birge kúresedi" degen málimdemesine narazylyq retinde jasaǵan.

Jýrnalıs jaqtastary Almaty qalasy Medeý aýdandyq soty shyǵarǵan sheshimmen kelispeı, qalalyq sotqa shaǵymdanǵan.

Kelýshiler karantınge baılanysty sot sheshimin syrtta tosyp turdy.

Appelásıalyq sotqa Bıshýınovtyń advokaty qatyspady. Jýrnalıs jaqyndarynyń sózinshe, adam quqyqtary jónindegi qazaqstandyq búro tarapynan taǵaıyndalǵan zańger sot bolatyn kúni telefon tutqasyn kótermegen.

Belsendiniń tanystary advokaty joqtyǵynan sot sheshiminiń qandaı bolǵanyn birden bile almady.

Sýdıa hatshysy sheshim týraly aqparat táýlik ishinde beriletinin aıtqan.

Artynsha Almaty qalalyq sotynyń baspasóz hatshysy Abaı Jarylqasyn Qamshy tilshisine Mırbolat Bıshýınovtyń aryzy jartylaı qanaǵattandyrylyp, 15 táýlikke qamaýǵa alý merzimi 4 táýlikke deıin qysqartylǵanyn habarlady.