Óskemenge QR Densaýlyq saqtaý mınıstri Alekseı Soı keldi. Resmı sapar barysynda mınıstr jóndeý jumystary júrip jatqan jańa pýlmonologıa ortalyǵynda bolyp qaıtty.
Burynǵy jedel járdem aýrýhanasynyń mekemesinde ashylatyn pýlmonologıa ortalyǵy zamanaýı medısınalyq quraldarmen jabdyqtalmaq. Atap aıtsaq, dıagnostıkalyq bólimde mobıldi rentgen apparaty jáne kompúterlik tomografıa ornatylady. Sondaı-aq, naýqastarǵa arnalǵan ár oryn ottegi jelisimen qamtamasyz etiledi. Budan bólek, ortalyq qaramaǵynda PTR zerthanasynyń jumysy da josparlanǵan.
– Ár aımaqtyń aldymyzda kele jatqan koronavırýs ınfeksıasynyń jańa tolqynyna daıyndyǵyn kórý biz úshin mańyzdy. Sonyń ishinde Shyǵys Qazaqstan oblysynda aýqymdy jumystar atqarylyp jatqandyǵyn aıta alamyn. Sebebi densaýlyq saqtaý salasyna kóptep kóńil bólinip, zamanaýı medısınalyq jabdyqtar satyp alynǵan, – dedi mınıstr Alekseı SOI.
Pikir qaldyrý