Áleýmettik jelide ıtter tóbelesiniń vıdeosy taraldy. Beınejazbanyń Almaty oblysy Jambyl aýdanyn túsirilgeni anyqtalyp, jergilikti ákimdik máselege túsinik berdi, dep habarlady Tengrinews.kz.

"Almaty oblysy, Uzynaǵash aýylynda ıt tóbelesin uıymdastyrady. Vıdeodan ıtterdiń ómirge emes, ólim úshin kúresip jatqanyn kórýge bolady. Sonymen qatar, janýarlardyń ıeleriniń de qýanyshyn baıqaımyz. Shamasy aqsha utqandaryna máz sekildi. Bundaı týrnırlerdi toqtatqan durys pa?" delingen  vıdeo jarıalanǵan jazbada. 

Kadrdan baıqalǵandaı, ıtter tóbelesi túngi ýaqytta ótken. Alańnyń aınalasy jankúıerge toly.

Almaty oblysy Jambyl aýdanynyń ákimdigi bolǵan jaǵdaıda túsinikteme berdi.

– Itterdiń jekpe-jegi ótken jer buryn mal bazar bolǵan. Bul jerdi bireý satyp aldy. Qazir ol aýmaqtyq jaǵynan Qarasaı aýdanyna jatady. Ákimdik ıt tóbelesine ruqsat bermegen jáne bermeıdi. Qazir aýyl ákimine tapsyrma berildi. Olar uıymdastyrýshylardy izdestiredi. Tapqan kezde ákimshilik kodekske saı jazalaıdy, – dedi Jambyl aýdanynyń baspasóz hatshysy Bahtıar Aıtaly.