2015 jyly dzúdodan Astanada ótip jatqan  álem chempıonatynda  60 keli salmaqta tuńǵysh qazaq ultynyń ulany álem chempıony atandy.  Bul týraly «Qamshy» portaly «Qazaqstan» arnasyna silteme jasaı otyryp  habarlaıdy.

Elordadaǵy dzúdo dodasynda  60 keli salmaqta Eldos Smetov álem chempıony atanyp, Qazaqstan dzúdosy tarıhyndaǵy ekinshi altyn medaldi ıelendi.  Aıta keteıik, bıylǵy Astanada ótip jatqan álem chempıonatyn kezinde  2016 jylǵy olımpıada oıyndarynyń joldamasyna negizgi upaılar taratylýda.

Esterińizge sala keteıik, osyǵan deıin qazaqstandyq  dzúdoshy Maksım Rakov álem chempıony atansa, endi qazaq Eldos Smetov Qazaqstan qorjynyna taǵy bir altyn medeldi ákelip, tarıhqa atyn altyn árippen jazdy. Astanadaǵy dzúdodan álem chempıonynyń  tarıhynda fınaldyq kezeńge qos qazaqstandyq – Rýstam Ibraev pen Eldos Smetovtar bir salmaq dárejesinde kezdesip, Eldos Smetov júldeli boldy.  Qazaq dzúdoshylarynyń arasynda Maksım Rakovtan keıin ekinshi bolyp altyn medalǵa ıe bolý, álem chempıony bolý úlken jetistik ekenin eskersek, álem chempıonatynyń fınalynda qos birdeı qazaqstandyqtyń kezdesýi tarıhta bolmaǵan.

Eldos Smetov,  Dzúdodan álem chempıony:

-Bul chempıonat óz topraǵymyzda ótip jatqan soń, óz elimizde, óz jerimizde ózge ulttyń ánuranyn shyrqatyp qoıǵandy namys kórip, ózimizdiń gımndi oryndatý aldyǵa qoıǵan maqsattarymyzdyń biri edi.  Erekshe tolqyp turmyn. Jankúıer bolǵan halyqqa rahmet.

Nurzat Toǵjan