Dúnıejúzilik densaýlyq saqtaý uıymy áriptestik ortalyǵynyń sodırektory Djanet Roberts koronavırýs epıdemıasynyń órship bara jatqanyn aıtyp, jyl sońyna deıin aýrýdan qaıtys bolǵandar sany 2,3 mıllıonǵa jýyqtaýy yqtımal degen boljam jasady.
Ol epıdemıanyń taralýy men vırýstyń juqpaly ekenin eskerip, "mundaı qaýipke (ólgender sanynyń artýy) negiz bar ekenin jetkizdi.
– Biz qorǵaný sharalaryn júıeli túrde ustaı bermeımiz. Bul epıdemıaǵa qarsy kúreste qıyndyq týdyrady. Pandemıadan sharshaǵandar men densaýlyqty qorǵaý keńesterine qulaq aspaıtyndar jáne aýrýdyń baryna senbeıtinder jaǵdaıdy qıyndata beredi, – dedi ol.
Jańa Zelendıadaǵy Qoǵamdyq densaýlyq ýnıversıtetiniń profesory Maıkl Barker pandemıanyń órship bara jatqanymen kelisetinin aıtty.
Búginde álemde Kovıd-19 vırýsyn juqtyrǵandar 35 mıllıon adamnan asty. Onyń ishinde 1 mıllıon adam qaıtys boldy.
Pikir qaldyrý