Reseı prezıdenti Vladımır Pýtın Qyrǵyzstandaǵy daǵdarystyq jaǵdaı beıbit jolmen sheshilip, ishki saıası jaǵdaılardyń barlyǵy esh shyǵynsyz aıaqtalady dep úmittenedi. Bul týraly TASS aqparat agenttigi habarlady. 

V.Pýtın "Rossıa-24" telearnasynyń jýrnalısi Pavel Zarýbınge bergen suhbatynda Qyrǵyzstandaǵy barlyq tarappen tyǵyz baılanysta ekenin basa aıtty.

– Bolǵan jaǵdaı bizdi alańdatpaı qoımaıdy. Biz bári tynysh bolady dep úmittenemiz. Qalypty saıası úderis qalpyna keledi. Biz barlyq qatysýshylarmen, osy janjaldyń barlyq taraptarymen baılanystamyz. Jaǵdaı qalypqa kelgennen keıin biz Qyrǵyzstan Eýrazıalyq ekonomıkalyq odaqtyń múshesi ekenin eskere otyryp, barlyq josparlarymyzdy Qyrǵyzstanmen júzege asyra beremiz. Biz búgin kórip otyrǵan barlyq ishki saıası prosester esh shyǵynsyz tez aıaqtalady jáne aıaqtalady dep úmittenemiz, – dedi Pýtın.