Qazaqstan ekonomıkalyq belsendiliktiń quldyraýyna jol bergen joq. Bul týraly prezıdent Qasym-Jomart Toqaev koronavırýs indetiniń ekinshi kezeńine daıyndyq máseleleri boıynsha keńeste aıtty.
Memleket basshysy Qazaqstannyń ózge elder sekildi daǵdarys kezeńin ótkerip jatqanyn aıtty.
– Biz ekonomıkalyq belsendilikti qultyratyp alýdan saqtap qaldyq. Bul jerde úkimettiń jumysty jaqsy istegenin atap ótken jón. Úkimet bıznesti yqtalandyrý boıynsha sharalar qabyldap, áleýmettik osal topqa kómektese bildi. Birer kún buryn Dúnıejúzilik bank negizgi kórsetkishter boıynsha Qazaqstannyń áleýmettik-ekonomıkalyq damýyna joǵary baǵa berdi. Alaıda pandemıanyń ekinshi tolqyny bizge jańa mindetterdi júkteıdi. Úkimet daǵdarysqa qarsy sharalardy keler jyly da jalǵastyrý úshin qajetti sharalar men tıisti resýrstardy qazirden jasaýǵa tıis, – dedi prezıdent.
Toqaev áleýmettik-ekonomıkalyq ahýal men koronavırýs ınfeksıasynyń jańa tolqyny nasharlaıtyn bolsa, jedel áreket etetin keshendi jospar daıyndalǵanyn atap ótti.
– Alaıda búgingi jaǵdaı, atap aıtqanda Reseıge saksıalyq qysymnyń kúsheıýi, Kavkaz elderi jaqtaǵy sıtýasıanyń shıelenisýi men ózge de syrtqy faktorlar bizdiń antıkrızıstik josparymyz ben boljamymyzdy qaıta pysyqtaýdy qajet etedi. Sondyqtan úkimet ulttyq bankpen birlesip, qazannyń sońyna deıin jospardyń ómirsheńdigin arttyryp, prezıdent ákimshiligi kelisimine ótkizýi kerek, – dedi prezıdent.
Pikir qaldyrý