Qazaqstannyń premer-mınıstri Asqar Mamın azamattradyń kredıtin keshirýge baılanysty depýtattar saýalyna jaýap berdi.

"Kredıt raqymshylyǵyn engizý týraly usynys barlyq qaryzdar boıynsha mindettemeniń jappaı oryndalmaýyna alyp keledi. Bul bank júıesiniń qarjy turaqtylyǵyna, bankterdiń salymshylar men basqa da klıentter aldyndaǵy óz mindetin oryndaýyna qater tóndiredi. Osyǵan baılanysty bul usynys qoldaý tappaıdy" dep jazdy Asqar Mamın.

>> Oqı otyryńyzdar: "Kredıt berý jeńildetilýi kerek". Toqaevqa kredıtti jeńildetý usynyldy

Premer-mınıstr kásipkerlerdi qoldaý maqsatynda birneshe sharalardyń qabyldanǵanyn atap ótti.

"Jalpy bankter nesıe berýdi bólingen qarajat esebinen júzege asyrady. Úlesi 78 paıyzdy quraıtyn depozıtter bankterdi qorlandyrýdyń negizgi kózi bolyp tabylady. Nesıelendirýdi yntalandyrý jáne kásipkerlerdi qoldaý maqsatynda memleket birqatar sharalar qabyldady" delingen depýtattarǵa berilgen jaýapta.