London  úsh mıllıonǵa jýyq Gonkong turǵynyna Ulybrıtanıa azamattyǵyna ótý jolyn usyný josparyn rastaǵannan keıin Qytaı Ulybrıtanıaǵa "qatelikterin tez arada túzetý" kerektigin aıtty.

Shilde aıynda Beıjiń Gonkongke qatysty ulttyq qaýipsizdik týraly qatań zań shyǵarǵan. Odan kóp ótpeı Birikken Koroldik Gonkong turǵyndaryna azamattyq beretin usynystyń daıyndalyp jatqanyn jarıalaǵan.

Synshylardyń aıtýynsha, 1997 jyly Ulybrıtanıa Gonkongti Qytaıǵa qaıtaryp bergen kezdegi kelisilgen azamattyq bostandyqtardy Beıjińniń jańa zańy buzyp otyr.

Al Beıjiń buǵan deıin Ulybrıtanıaǵa "ishki máselelerge" aralaspaýdy eskertken.

Juma kúngi eskertý Qytaı Syrtqy ister mınıstrliginiń Gonkong bóliminen jarıalandy.