Sheshenstan prezıdenti Ramzan Kadyrov pen Reseı lıberaldy-demokratıalyq partıasynyń jetekshisi Vladımır Jırınovskıı arasynda daý týdy. Bul týraly reseılik BAQ jazyp jatyr.

Juma kúni (30 qazan) túnde Kýkmorda (Tatarstan qalasy) 16 jastaǵy jasóspirim aýdandyq polısıa bóliminiń ǵımaratyn órt sóndirgish qospamen órtemek bolǵan. Ony toqtatpaq bolǵan polısıa qyzmetkerleriniń birin jetkinshek pyshaqpen úsh ret jaraqattady. Ekinshi polıseı jasóspirimge oq atyp, ol jedel járdem kelgenshe kóz jumǵan. Osy oqıǵaǵa qatysty pikir bildirgen Jırınovskıı barlyq dinı bilim berý uıymdaryn jaqsylap tekserý kerektigin aıtty.

– Eýropa Arab jáne Afrıka elderinen qonys aýdarýshylardy jáne ózderimen birge ekstremıstik kózqarastardy alyp kelgenderdi jaldady. Munda eýropalyqtar baǵasyn tólep jatyr. Ár túrli ýaǵyzshylar osyǵan uqsas ıdeıalar ákeledi. Ortalyq Azıada sheteldik ýaǵyzshylar dáris beretin150 mektep ashyldy. Ol baǵdarlamalarda hrıstıandarǵa qarsy, orysqa qarsy jaǵdaılardy úgitteýi múmkin, – dedi Jırınovskıı bunyń saldary ekstremıster men radıkaldardyń paıda bolýyna aparyp soǵatynyn aıtyp.

Buǵan Sheshenstan basshysy Ramzan Kadyrov telegramm paraqshasynda jazba jarıalap, Jırınovskııdiń pikiri ózin ashýlandyrdyǵanyn jazǵan.

– Lıberaldy-demokratıalyq partıanyń jetekshisi óz sózinde meni jáne meniń karıkatýra týraly málimdememdi meńzegenin bilip otyrmyn. Biraq buǵan deıin men saıasatker retinde emes, musylman retinde sóz sóılegenimdi eskertkenmin. Islamda Paıǵambardyń beınesin salýǵa, ásirese kelemejdeýge bolmaıdy. Sondyqtan Jırınovskııdiń bul taqyrypty qozǵamaǵany abzal. Odan da tok-shoýlarǵa qatyssyn, saılaýǵa deıin satylǵan mandattardan alǵan aqshasyn jumsasyn, ózin-ózi jarnamalasyn, kóshege shyǵyp, bıikke kóterilsin, zań jobalaryn ázirlesin ... Biraq din týraly aıtpa, Jırınovskıı! Din men mádenıet degen uǵymdar senimen úılespeıdi, – dep jazdy Kadyrov.  

Oqı otyryńyz:

♦ Fransıa Islamǵa qatysty karıkatýradan bas tartpasa, Kadyrov otstavkaǵa ketedi