Áleýmettik jelide Tımýr Qulybaevtyń Shveısarıadaǵy 600 mıllıonnan astam dollar qarjysy bar esepshoty buǵattalǵandyǵy týraly aqparat tarady.  

– BAQ quraldaryna, Nazarbaevqa, Qazaqstannyń Bas prokýratýrasyna, parlamentke Tımýr Qulybaevtyń 100 mıllıondaǵan dollardy jymqyryp jatqany týraly málimdeme jasadym. Eshkim qulaq aspady. Sosyn 6 Qazaqstan azamaty Shveısarıanyń prokýratýrasyna aryz jazdyq. Meniń tań qalǵanym – Shveısarıa Qulybaevtyń  esepshottaryna arest qoıdy, – deıdi aqparat taratýshy avtor. 

Onyń aıtýynsha, esepshot 3 jyl boıy buǵattalyp jatqan jáne Kýlebaev shotty ashýǵa birneshe sebepter aıtqan. Artynsha Qazaqstannyń salyq ınspeksıasy ol aqshalardyń urlanbaǵandyǵyn jáne Qazaqstannyń qarjy mınıstrligi bul aqparatty rastap otyrǵandyǵyn habarlaǵan.

Sondaı-aq, avtor Darıǵa Nazarbaevanyń Londondaǵy aktıvterin de buǵattaǵanyn málimdedi. Atap aıtqanda Nazarbaevanyń 100 mıllıon fýnt shamasyndaǵy múlkine arest qoıylǵany jaıly aqparat berip,  onyń Anglıadaǵy 2 záýlim úıi men 2 páterine qatysty da pikir bildirgen.