Memleket basshysy Qasym-Jomart Toqaev Aýǵanstan prezıdenti Mohammad Ashraf Ǵanıǵa kóńil aıtý  jedelhatyn joldady. Bul týraly akorda.kz habarlady. 

Jedelhatta Qasym-Jomart Toqaevtyń Qabyl ýnıversıtetinde jasalǵan jantúrshigerlik lańkestik shabýyl saldarynan kóptegen azamattyń jazyqsyz qaza tapqany týraly sýyt habardy tereń kúızelispen qabyldaǵany jazylǵan.

– Osyndaı qaraly sátte orny tolmas qaıǵylaryńyzǵa ortaqtasyp, jaqyndarynan aıyrylǵan otbasylar men barsha Aýǵanstan halqyna qazaqstandyqtardyń jáne óz atymnan kóńil aıtamyn, – dep Toqaev qasiretti oqıǵada zardap shekken adamdardyń tez arada saýyǵyp ketýine tilektestik bildirdi.

Buǵan deıin Aýǵanstan men Irannyń ókilderi Qabyl ýnıversıtetindegi kitap kórmesin ashyp jatqan ýaqytta terrakt bolǵany habarlanǵan. Shabýyl saldarynan 19 adam qaıtys bolyp, 12 adam jaraqat aldy.