Armenıada Ulttyq qaýipsizdik qyzmetiniń burynǵy dırektory Artýr Vanesán premer-mınıstr Nıkol Pashınánǵa qastandyq jasamaq boldy degen kúdikpen ustaldy. Aqparatty Vanısánnyń advokaty Lýsın Saakán rastaǵan. Bul týraly ria.ru habarlady. 

– Vanesán Ulttyq qaýipsizdik qyzmetiniń tergeý bólimine shaqyrylyp, "Qarýdy zańsyz alýǵa, satýǵa, saqtaýǵa qatysý", "Bılikti basyp alýǵa daıyndyq", "Bir top adam aldyn-ala kelisip jasaǵan memleket, saıası nemese qoǵam qaıratkerin óltirýge daıyndyq" baptary boıynsha is-áreketter jasady degen kúdikpen ustaldy, – dep jazdy advokat Facebook-te.

Advokat bul oqıǵany saıası qýdalaý dep aıyptap otyr.

UQK-niń burynǵy basshysy opozısıalyq "Rodına" partıasyn basqarady jáne premer-mınıstrdiń otstavkaǵa ketýin talap etetin narazylyq aksıalaryna qatysqan. Belgili bolǵandaı, búgin onyń ata-anasynyń úıinde tintý jumystary júrgizilgen.

Erevanda birneshe kúnnen beri opozısıanyń narazylyq aksıalary ótip jatyr, olar Pashınánnyń Qarabaqta atysty toqtatý týraly kelisimge qol qoıýyna baılanysty otstavkaǵa ketýin talap etýde.