Bas sanıtar dárigerdiń qaýlysyna qaramastan Nur-Sultan qalasynda Qalja toıy ótken, dep habarlaıdy Qamshy.kz aqparat agenttigi Nur-Sultan qalasynyń polısıa departamentiniń baspasóz qyzmetine silteme jasap. 

Toı ótip jatqanyn karantın rejımi buzylmaýyn qadaǵalaıtyn polıseıler anyqtaǵan.  

Toı 13 qarashada “Ásıa” kafesinde saǵat 15.56-da ótken. Polıseılerdiń aıtýynsha, toıǵa kelgen 40 adam sanıtarlyq erejeni saqtamaǵan. Toıda egde kisiler men qatar kishkentaı balalar da bolǵan.

Toıdy uıymdastyrýshylar qonaqtardy qyzmetkerlerge arnalǵan esikten kirgizgen.

Bir táýlikte 217 nysanda tekseris  jumystary júrgizildi. Bir kúnde 17 karantın tártibi buzylǵany anyqtalǵan.

Nur-Sultan qalasynyń polısıa departamenti tártip buzǵandardyń barlyǵy jaýapkershilikke tartylatynyn aıtty.