Memleket basshysy Q.Toqaev Moldova Respýblıkasynyń jańadan saılanǵan prezıdenti Maııa Sandýdy quttyqtady. Bul týraly akorda.kz habarlady.
Qasym-Jomart Toqaev Qazaqstan halqynyń jáne óz atynan Moldova Respýblıkasynyń jańadan saılanǵan prezıdenti Maııa Sandýdy quttyqtap, jedelhat joldady.
"Saılaýdaǵy senimdi jeńisińiz sizdiń demokratıalyq, turaqty jáne ekonomıkalyq turǵydan órkendegen memleket qurý baǵytyńyz halyqtan qoldaý tapqanyn kórsetedi. Biz kúsh-jigerimizdi jumyldyra otyryp, dástúrli dostyq pen ózara tabysty yntymaqtastyqqa qurylǵan qazaq-moldova qatynastaryn nyǵaıta túsemiz dep úmittenemin" delingen jedelhatta.
Qasym-Jomart Toqaev Maııa Sandýǵa Moldova Respýblıkasynyń ósip-órkendeý jolyndaǵy jaýapty memlekettik qyzmetine tolaǵaı tabys tiledi.
Oqı otyryńyz:
Pikir qaldyrý