Elbasy Abý-Dabıdiń taq murageri, Birikken Arab Ámirlikteriniń Qarýly kúshteri Joǵarǵy Bas qolbasshysynyń orynbasary sheıh Muhammed ben Zaıd Ál Nahaıanmen telefon arqyly sóılesti. Bul týraly elbasy.kz saıty habarlady.

Áńgime barysynda elbasy men Abý-Dabıdiń taq murageri Qazaqstan Respýblıkasy men Birikken Arab Ámirlikteri arasyndaǵy dástúrli dostyq qarym-qatynastardyń qarqyndy damyp kele jatqanyn atap ótti.

Nursultan Nazarbaev pen sheıh Muhammed ben Zaıd Ál Nahaıan jýyrda Qazaqstan Respýblıkasynyń premer-mınıstri Asqar Mamınniń Abý-Dabı qalasyna jasaǵan jumys saparynyń nátıjelerine nazar aýdardy. Sapar aıasynda Qazaqstanda ónerkásip, aýyl sharýashylyǵy, energetıka, munaı hımıasy jáne farmasevtıka sıaqty salalarda jańa ınvestısıalyq jobalardy iske asyrý týraly úkimetaralyq qujatqa qol qoıylǵan bolatyn.

Sondaı-aq taraptar qazirgi ýaqytta qalalyq jáne týrısik ınfraqurylymnyń aýqymdy qurylysy júrip jatqan Túrkistandy qaıta túletý taqyrybyna toqtaldy.