Búgin Aqtóbe oblysynyń ákimi Ońdasyn Orazalın Bestamaqtaǵy dońyz fermasyna baılanysty bastamashyl top múshelerimen kezdesti. Bul týraly ákim facebook paraqshasynda málim etti.

Ákim júzdesý barysynda bastamashyl top músheleri kópshiliktiń oı pikirlerin jetkizin, olardy muqıat tyńdap, tıisti organdarǵa qysqa merzimde jáne shuǵyl is-sharalar júrgizýdi tapsyrǵanyn atap ótti.

"Qaı másele bolsa da ashýǵa salmaı, aqylǵa salyp sheshetin halyqpyz ǵoı. Bul problemanyń da ońtaıly sheshý joldaryn birge qarap, ortaq bir mámilege keldik. 

Bul jerde eki másele bar:
Birinshiden, qorshaǵan ortaǵa keltirgen zıandy zattardy zalasyzdandyrý, ótemaqy tólettirý jáne zań aıasynda jaýapqa tartý. Bunymen quqyq qorǵaý organdary aınalysýda, tıisti tapsyrma berildi.
Ekinshiden, kópshiliktiń pikirin eskerip, tekseris qorytyndysynyń nátıjesimen «Parıjskaıa komýna – XXI» JSHS basshylyǵyna sharýashylyqtyń baǵytyn ózgertýge nemese múldem jabý týraly talap qoıylady. Bul máseleniń sheshilý merzimin anyqtaýdy arnaıy mamandarǵa tapsyramyn.
Sharalar barysy ózimniń jeke baqylaýymda. Arnaıy qurylǵan komısıa músheleri kúndelikti jumys barysyn baıandap otyr" delingen ákim jazbasynda.