Armenıada Ázerbaıjannan kek alý týraly áńgimeler áli de jalǵasyp jatyr. Biraq reseılik sarapshy bul oı armán tarapyn odan da aýyr jeńiliske ushyratýy múmkin dep sanaıdy. Bul týraly aze.az saıty habarlady. 

Reseıdegi "Kommersant" syrtqy saıasat bólimi basshysynyń orynbasary, Halyqaralyq ister jónindegi keńestiń sarapshysy Alekseı Naýmov "Máskeý-Baký" portalyna bergen suhbatynda Armenıa ótken jaǵdaılardyń bárinen sabaq alýy keregin aıtty. Onyń sózinshe, armándar áli esh nátıje shyǵarǵan joq.

– Armenıa kinálilerdi izdep jatqanyn, kek alý týraly kelissózder júrip jatqanyn estidik. Soǵystan keıin jeńilgen tarap árqashan kek alǵysy keledi. Degenmen meniń oıymsha, qazir armán halqynyń basty mindeti – otandastaryna kómektesý jáne ázirbaıjandarmen qatar beıbit ómir súrýge beıimdelý, janjaldardy retteý qandaı paıda ákeletinin túsiný, – dedi Naýmov.

Sarapshy Armenıanyń úshjaqty kelisimdi oryndaıtynyna senimdi. Óıtkeni Armenıanyń Reseıge qarsy shyǵýǵa múmkindigi joq.

– Eger qandaıda bir radıkal Armenıada bılikke kelse, úshjaqty kelisimniń kúshin joıýǵa tyrysady. Biraq ondaı bolǵan jaǵdaıda Ázerbaıjan armıasy Hankendı men basqa aýmaqtardy da baqylaýǵa alady. Qazir Armenıa úshin kelisimdi júzege asyrý eń jaqsy qadam ekeni anyq, – dedi ol.