Orys tili Qyrǵyzstanda resmı til retinde qaldy. Bul týraly onlaın rejımde ótken brıfıńte «Adam men azamattyń quqyǵy men erkindigi» seksıasynyń basshysy Nurlan Sheripov habarlady.

Onyń aıtýynsha túrli usynys aıtyldy, biraq konstıtýsıalyq keńes músheleri negizgi til – qyrǵyz, resmı til – orys tili bolyp qalady dep sheshti.

– Orys tili - resmı til. Konstıtýsıalyq keńes qyrǵyz tilin memlekettik til dep qaldyrdy. Aǵylshyn tilin de resmı til retinde engizý usynylǵan, biraq usynys qabyldanbady.

Keshe konstıtýsıalyq keńes múshesi Sadırdın Tóreálıev orys tilin resmı til statýsynan aıyrýdy usyndy. Onyń sózinshe jastar qyrǵyz tilinde sóılemeıtin bolǵan. Sadırdın Tóreálıevtiń usynysy qyzý talqyǵa ulasty.