2021 jylǵy 10 qańtarda Qazaqstanda parlament májilis pen jergilikti máslıhattardyń kezekti saılaýy ótedi. Oǵan "NurOtan",  "Birlik", "Aýyl", "Aq Jol", Qazaqstannyń halyq partıasy qatysady. Al Jalpy ulttyq sosıal-demokratıalyq partıasy saılaýǵa baıkot jarıalaǵan bolatyn. Osyǵan qatysty saıasatker, opozısıalyq "Dat" gazetiniń jetekshisi Ermurat Bapı "Nege" tok-shoýynda  pikir bildirdi. 

– Qoǵamdaǵy belgili bir uıymnyń baıkot jarıalaýy men partıanyń baıkoty eki bólek dúnıe. JSDB partıasynyń jarıalaǵan baıkoty bıliktiń yqpalymen jasalǵan. Eger bul partıa saılaýǵa túskende, 30 paıyz daýysty alar edi. Sondyqtan olardyń bul qadamyna 10 qańtardan keıin tóńkeris bolyp ketpeýi úshin bıliktiń  jasaǵan áreketi dep baǵa berýge bolady. Demek, JSDP qoǵamnyń baıkotyn emes, bıliktiń baıkotyn qabyldady. Bastysy bul saılaýda ıntrıga qalmady. Azart joq. Qyzyq joq. Eshqandaı saıası múddelerdiń qaqtyǵysy da joq. Azamattyq qoǵam sengen bir-aq partıa boldy. Ol da endi bitti. Aqsha joq degen syltaý ǵana. Bul partıa eldegi árbir ofısin qarjylandyryp jatyr. 14 oblystaǵy ofısti qarjylandyrýǵa qanshama mıllıon qarajat kerek?!. Buny partıaǵa bılik berdi me, basqa berdi me, bilmedim. Sol aqshaǵa JSDP halyqtyń, qoǵamnyń múddesin satyp ketti, – dedi saıasatker.