Jelide Armenıanyń eks-prezıdenti Serj Sargsán men Belarýs basshysy Aleksandr Lýkashenkonyń Taýly Qarabaq týraly áńgimesiniń aýdıojazbasy paıda boldy. Aýdıojazbada saıasatkerler Taýly Qarabaqtyń jeti aýdanyn Ázirbaıjanǵa berý kezindegi senarıdi damytýdyń yqtımal nusqalaryn talqylaǵany estiledi. Sargsánnyń keńsesi jazbanyń túpnusqa ekenin rastady, dep habarlady Sputnik Armenıa.

Áńgime barysynda Lýkashenko Sargsánǵa Ázerbaıjan prezıdenti Ilham Álıevtiń usynysyna kelisip, ujymdyq qaýipsizdik týraly shart uıymy (UQSHU) Taýly Qarabaqtaǵy bitimgershilik mısıasynyń "qaýipsizdik beldeýin" berýdi usyndy.

Biraq Sargsán aýdandardy bergen soń Ázerbaıjan prezıdenti soǵysty bastamaıtynyna kúmándi ekenin jetkizdi.

– Biz beıbitshilik pen tynyshtyqta ómir súrgimiz keledi, biraq ókinishke qaraı bizdiń tilegimiz jetkiliksiz, – deıdi Serj Sargsán.

– Oǵan aýdandardy berińiz ,ol (Álıev - red.) birinshi kezeńde 5 mıllıard dollar tóleýge daıyn, – dedi Lýkashenko.

– Ol osy jeti aýdandy tastap ketse, men oǵan 6 mıllıard beremin, – dep jaýap berdi Sargsán.

Sargsán jeti aýdandy berýge qulyqty emestigin jetkizdi, óıtkeni onda bes myń armán jaýyngeriniń qany tógilgen.

– Al, ne bopty? Bizde 30 mıllıon adam qaıtys boldy, biraq biz nemistermen soǵyspaımyz, – dedi Lýkashenko.

Armenıanyń burynǵy prezıdentiniń baspasóz qyzmeti Lýkashenkomen áńgime Sargsánnyń prezıdenttik kezeńinde Erevanda 2016 jyldyń kúzinde UQSHU samıtinde bolǵanyn habarlady.

"Úshinshi prezıdenttiń keńsesi aýdıojazbany fakt retinde qabyldaıdy jáne jabyq formatta ótkizilgen otyrystar áli kúnge deıin túsindirilmegendikten, túsinikteme berýden bas tartady"  delingen habarlamada.