Aqtóbe oblysynyń ákimi Ońdasyn Orazalın “Qorǵas” shekara mańy yntymaqtastyǵy halyqaralyq ortalyǵynyń basqarma tóraǵasy Dinmuhamed Ábsattarovpen kezdesti.
Basqarma tóraǵasynyń Aqtóbe óńirine jasaǵan is- saparynyń maqsaty, oblystaǵy kásipkerlerge “Qorǵas” arqyly Qytaı, Eýroodaq naryǵyn keńinen paıdalanýǵa múmkindik bar ekendigin tanystyrý. Dinmuhamed Ábsattarovtyń sózinshe, transshekaralyq aýmaqtyń vızasyz rejımi jáne bajsyz saýda aımaǵy erkin ekonomıkalyq aımaq qatysýshylaryna bıznes qurý úshin biregeı múmkindik beredi jáne qazaqstandyq kelýshiler, QHR men úshinshi elderden kelgen kásipkerler men týrıser tarapynan EEA-ǵa úlken qyzyǵýshylyq týdyrady. Belgilengen basymdyqtarǵa sáıkes, "Qorǵas" SHYHO otandyq taýarlar men qyzmetterdi eksporttap, halyqaralyq týrızmdi damytýǵa at salysady. 
Elbasynyń bastamasymen qurylǵan ortalyq memleketaralyq saýda - ekonomıkalyq jáne mádenı-týrıstik ózara is-qımyldy damytýda katalızator bolýǵa arnalǵan.
2019 jyly Qazaqstan tarapynan ortalyqqa 1,2 mln.jýyq adam kelgen, Qytaı tarapynan – 3,2 mln. bul rette Shyńjań - Uıǵyr avtonomıalyq aýdanynyń HSHYO-na irgeles İshki Qytaıdan 200 mln. týrıs qabyldady, bul qajetti jaǵdaılardy qalyptastyrý kezinde olardy HSHYO-ǵa tartý úshin zor áleýetti bildiredi. Aıtyp óteıik, 2017 jyly básekege qabiletti kásipkerlik jáne ınvestısıalyq ortany jandandyrý, sondaı-aq QR men QHR shekaralas aýmaqtarynyń saýdasy men ekonomıkasyn damytý, halyqtyń suranysyn qanaǵattandyratyn taýarlarmen jáne qyzmettermen qamtamasyz etý maqsatynda QR Úkimetiniń qaýlysymen "Qorǵas" shekara mańy yntymaqtastyǵy halyqaralyq ortalyǵy"arnaıy ekonomıkalyq aımaǵy qurylǵan bolatyn.
Oblys ákimi Ońdasyn Orazalın bul turǵyda Aqtóbe óńiriniń áleýeti men múmkindikteriniń keń ekenin jetkize otyryp, orynbasarlaryna jáne qala ákimine aldaǵy ýaqytta ekonomıkalyq, saýda-yntymaqtastyq jóninde birlese jumys jasaýǵa tıanaqty ázirlenýdi tapsyrdy.