«JAC Ѕunray» markaly sońǵy úlgide jabdyqtalǵan 15 birlik reanımobıl avtokólikteri Aqtóbe oblysyna qarasty barlyq aýdandyq aýrýhana mekemelerine berildi. Búgin oblys ákimi Ońdasyn Orazalın aýdandyq aýrýhanalardyń bas dárigerlerimen kezdesip, sanıtarlyq avtotransporttyń kiltterin tabystady.
“Memleket basshysynyń tapsyrmasyna saı, Úkimet basshylyǵy, jergilikti atqarýshy organ azamattarymyzdy qaýipti indetten aman alyp qalý úshin tıisti sharalardy qabyldap, qarajat bóldi. Eshqashan bolyp kórmegen mundaı derttiń aýyrtpalyǵy barlyǵyna ońaı soqpady, degenmen tájirıbeli dárigerlerimizdiń arqasynda naýqastardyń densaýlyǵyn qalypqa keltirdik. Eńbegine adal aq halatty jandarǵa alǵys bildiremin”,-dedi Ońdasyn Orazalın.
Aqtóbe oblysynda 341 sanıtarlyq avtokólik bar. 2020 jyly jergilikti búdjetten 239,4 mln. teńgege ÝAZ sanıtarlyq avtokóliginiń 24 birligi jáne FORD markaly 1 neonataldy reanımobıl satyp alyndy.
Budan basqa, qarjy lızıńi arqyly 41 reanımobıl, onyń ishinde 19 birlik Hyundai H-350 markaly reanımobıl, 20 «JAC Ѕunray» reanımobıl jáne 2 ÝAZ Profı reanımobıl alyndy
Búgingi is-sharada aýdandardyń medısınalyq kásiporyndaryna 15 birlik sanıtarlyq avtokólik berildi. 2021 jyly jergilikti búdjet arqyly oblystyń medısınalyq kásiporyndary úshin 21 sanıtarlyq avtokólik satyp alý josparlanǵan.
Oblys ákimi sharadan soń, Aqtóbe medısınalyq ortalyǵynda ashylǵan kardıoreanımasıa- kardıologıa bóliminiń jumysymen tanysty. Pandemıanyń órshýi múmkin qaýiptiligine baılanysty ashylǵan bólimde covid-19 ınfeksıasyn juqtyrǵan qosymsha júrek talmasymen aýyratyn naýqasqa shuǵyl kómek kórsetiletin bolady.36 orynǵa arnalǵan medısınalyq bólimde Germanıa, Japonıadan jetkizilgen qajetti qurylǵylarmen jabdyqtalǵan.