Armenıanyń Súnıks oblysynyń turǵyndary Armenıa premer-mınıstri Nıkola Pashınándy oblysqa kirgizbeý úshin joldy japty. Bul týraly «Sputnik Armenıa» Telegram kanalynda jazdy.

Jergilikti turǵyndar bul áreketi arqyly Taýly Qarabaqtaǵy Armenıa men Ázerbaıjan arasyndaǵy demarkasıaǵa qarsylyq bildirdi.

Turǵyndar joldy kólik pen shynjyrmen bógegennen keıin turǵyndar men polısıa arasynda qaqtyǵys boldy. Pashınán turǵyndarmen «kózbe kóz» sóılesetetinin aıtyp Facebook-te tikeleı efırge shyǵyp, Súnıkten bir de bir mıllımetr berilmeıtinine ýáde berdi.

Premer-mınıstr 21 jeltoqsanda Megrı, Kapan, Gorıs, Sısıan qalalaryna barýdy josparlap otyr.  

Ázerbaıdan prezıdenti Ilham Álıev Súnık oblysy, Erevan men Sevan Ázerbaıjannyń tarıhı jeri ekenin aıtqan. Ol Armenıa bıligin Keńes úkimeti kezinde atalmysh jerlerden myńdaǵan ázerbaıjandy óz jerinen qýyp shyqty dep aıyptady.