Saýd Arabıasynyń saıası belsendisi Omar ál-Saıd patshany synaǵan úshin jazalanatyn boldy. Sot ony tórt jylǵa qamap, arqasynan 300 ret shybyqpen urýǵa úkim shyǵaryp otyr dep habarlady Reuters. 

Eldegi azamattyq jáne saıası quqyqtar asosıasıasy ókilderiniń habarlaýynsha, ál-Saıd absolútti monarhıaǵa shekteý qoıý kerek degen úndeý taratqan. Al, buǵan deıin patshalar áýleti adam quqyqtarynyń saqtalýyna kedergi keltirýde dep synaǵan eken. Sot kezinde aıyptalýshynyń qorǵaýshysy bolmapty. Aıta keteıik, bıylǵy jyly atalmysh asosıasıanyń tórt múshesi túrmege jabylyp otyr. Al, quqyq qorǵaýshylar bolsa elde 30 myńnan astam saıası tutqynnyń bar ekendigin málimdep otyr. Saýd Arabıasynyń basqarý júıesi absolútti monarhıa bolyp tabylady. Patsha Abdýlla úkimet múshelerin ózi taǵaıyndap, qyzmetten ózi bosatady. Mınıstrlerdiń barlyǵy derlik patshanyń týystary ekendigin aıta ketý kerek. 

Derekkóz: baq.kz