Ońtústik Koreıa soty Samsung Electronics korporasıasynyń vıse-prezıdenti Djeı I Lıge eki jarym jylǵa bas bostandyǵynan aıyrý úkimin shyǵardy.

Lı básekelesterin basyp ozýǵa tyrysyp jatqany jáne qazanda qaza tapqan ákesinen muragerlikti qadaǵalaýǵa kiriskeni úshin dúısenbi kúni Samsung Electronics-tegi negizgi sheshimderdi qabyldaýdan shettetildi.

52 jastaǵy Lı burynǵy prezıdent Pak Kyn Heniń seriktesine para bergeni úshin aıypty dep tanylyp, 2017 jyly bes jylǵa bas bostandyǵynan aıyrylǵan. Degenmen, ol óziniń zańsyz áreketin joqqa shyǵardy. Apelásıalyq shaǵym boıynsha jaza jeńildetilgen.

Sodan keıin is Seýldiń Joǵarǵy sotyna jiberilip, dúısenbide jańa sheshim shyqty.

Ońtústik Koreıa zańy boıynsha tek úsh nemese odan az merzimge qamaýǵa alý jazasynda ǵana jeńildik qarastyrylǵan. Lı túrmege qaıta otyrǵanda, buryn qamaýda bolǵan ýaqyty esepteledi dep kútilýde.