Kámeletke tolmaǵandarǵa qatysty jynystyq qylmyc jasaǵandardyń jazasy kúsheıtildi. Bul týraly QR İshki ister mınıstrliginiń resmı ókili Nurdildá Oraz mınıstrlikte ótken onlaın brıfıńte habarlady. 

Bul ózgeris 11 qańtardan bastap zańdy kúshine endi.

– Balalarǵa qarsy jasalatyn jynystyq sıpattaǵy qylmystyń kez kelgen túrine jaýapkershilik qatańdatyldy. Máselen, Qylmystyq kodekstiń 120-baby "Zorlaý" qylmysy boıynsha aıtar bolsaq, tómengi shegi 15 jyldan 17 jylǵa deıin bas bostandyǵynan aıyrýǵa ózgertildi. Ata-anasynyń, ógeı ákesiniń, pedagogtiń osyndaı qylmysqa barǵany úshin sanksıa 17 jyldan 20 jylǵa deıin ulǵaıtyldy. Buryn bul norma boıynsha 12-17 jyl bekitilgen edi, – dedi Nurdildá Oraz.