"Taıvan Qytaı áskerı ushaqtarynyń ekinshi kún boıy úlken kólemde shabýyl jasaǵany týraly habarlady. Bul AQSH prezıdenti Djo Baıdenniń qyzmetke kirisken alǵashqy kúnderine sáıkes keldi" dep jazdy BBC.

Áskerı operasıaǵa 15 soǵys ushaǵy qatysty. Kóp ótpeı Vashıngton tarapy qatań eskertý jasady.

Beıjiń demokratıalyq Taıvandy Qytaıdyń bólingen provınsıasy dep sanaıdy, al Taıvan ózin egemen memleket dep esepteıdi.

Sarapshylardyń aıtýynsha, Qytaı Baıdenniń Taıvandy qoldaý deńgeıin tekserip jatyr.

Baıden bılikken kelgennen keıin AQSH Memlekettik departamenti Taıvandy qorǵaýǵa kómektesý týraly "berik mindettemesin" rastady. Al Qytaı úkimeti tarapynan resmı jaýap bolǵan joq.

Qytaı sońǵy aılarda Taıvannyń ońtústik bóligi men Ońtústik Qytaı teńizindegi Taıvan baqylaýyndaǵy Pratas araldary arasyndaǵy teńiz ústinde turaqty reıster jasady.